15

學校霸淩

呢件事係今年三月嗰陣發生嘅,因為呢件事,幾乎考慮過想帶口水禧去第二度讀書。 事緣三月某一日,禧哥放學返嚟氣沖沖同我講話體育堂喺更衣室同幾個十二年班嘅senior發生爭執,我個仔攞樽蓋潑咗少少水去其中一個男仔身上。心諗「唉,最唔想發生嘅嘢終於都要發生啦!」口水禧話一直以嚟上完體育堂之後都要四圍搵書包,有時喺沖涼嗰幾格搵到,有時喺垃圾桶搵到,有時甚至要去好遠嘅地方先搵得返個書包,攪到去下一堂嘅課室都要匆匆忙忙。嗰日上完體育堂,又唔見咗個書包,正當口水禧四圍喪搵嘅時候,有個同班同學細細聲同口水禧講話頭先見到幾個senior收埋佢個書包喺一個裝失物認領嘅桶裡面。同學重話其實前幾次都係嗰班人收埋佢個書包嘅。結果,口水禧真係喺個裝滿污糟衫褲鞋襪嘅桶裡面搵返個書包。 惱羞成怒之下,口水禧就倒咗水壺啲水落個樽蓋度然後去潑嗰幾條友啦。對方好嬲咁問口水禧點解要潑佢水,口水禧警告佢地唔好再玩收埋佢個書包之後,大家就不歡而散。 當下,我就問咗口水禧要唔要我寫個電郵同體育老師講,口水禧話唔洗,佢已經同老師講咗,老師亦將佢個儲物櫃編咗去離開嗰幾件senior嘅儲物櫃好遠嘅地方。所以下次再上體育堂嘅時候應該唔會再相遇架啦。睇到呢度係咪有啲R頭點解個個唔整係要整蠱口水禧架呢?因為全班只有口水禧係唔會將個書包塞入去儲物櫃囉(問你屎未!)原因更令人吐血,口水禧嗰陣係學校嘅九年班新生,佢唔知聽邊個講或者平時喺學校見到其他同學開唔到儲物櫃攞唔到書去上堂,於是條友就每日都將所有書都裝哂喺個書包裡面,咁就萬無一失唔會因為開唔到個儲物櫃而攞唔到啲書去上堂。就係咁樣,書包大過沙包,每當上體育堂嘅時候,佢就咁將個書包放喺更衣室嘅長櫈側邊,而佢地咁啱會同十二年班嘅人同一時間要共用同一個更衣室,於是口水禧個書包就成為咗嗰幾件蛋散嘅目標,成日收埋佢個書包,然後睇住口水禧上完體育堂好狼狽咁四圍搵書包而偷偷圍埋一齊笑佢。 睇到呢度如果重未嬲或者已經有啲嬲嘅,睇埋落去包你著火添! 到今日,成件事我其實一啲都無嬲嗰幾個senior,我最嬲係個福街校長!如果可以,我想將我呢四十幾年識嘅粗口都完完全全對佢一字不漏咁顏射到佢體無完膚,交叉佢全家上下個大西瓜! 潑水事件之後兩日,我要去診所抽啲嘢去化驗,喺大量嘅止痛藥影響之下個人已經暈暈哋好想瞓。做完之後行出嚟見到禧爸,佢都唔得閒問我覺得點有無唔舒服,就已經好荒失失咁話:「個仔喺學校爆鑊呀,嗰幾個senior喺厠所打佢同恐嚇佢要搵刀捅佢喎!」我覺得體內嘅止痛葯對神智嘅影響喺嗰一瞬間已經全部退哂,奈何當時重流緊好多血出嚟,我要先返咗屋企處理咗先,然後再趕去學校。喺呢度交代清楚先,當時口水禧比人打完whatsapp我地告知件事,嗰幾條友打完恐嚇完已經撇咗啦,所以當下口水禧係無生命危險嘅,如果唔係,我話知我血崩丫,一定殺去學校搵人血債血償! 火速趕到學校之後,我地就直接去搵校長,開頭個福街以為我地搵佢係閒聊重叫個職員打發我地走添。結果,我同個職員講「我仔頭先喺厠所比人打兼恐嚇要用刀捅佢,如果校長唔打算理嘅話,我而家就企喺呢度打911報警!」啲人係咪一定要靠嚇先識得唔好坐住個腦架呢?講完呢句嘢,個職員即刻再call個校長,結果個福街幾秒內嚫自出嚟接我地入去佢房傾。 入到去校長室,校長叫埋口水禧嚟講述件事嘅經過。嗰日上完體育堂之後,全部人離開咗更衣室,口水禧啲同學見到嗰班senior四圍搵口水禧,後來知道佢一個人喺厠所之後,佢地就入咗去拉住口水禧個書包推佢幾次去撞牆,跟住㩒住佢話再潑水落佢地度就會帶把刀返嚟捅佢。臨走之前再推多佢一鑊撞多次牆。 講完咗成件事,亦都比咗幾個証人同學嘅名之後,校長就放返口水禧去上堂先,然後繼續同我地兩個傾。我表明要求嗰兩個打人兼恐嚇嘅要親自黎同我道歉,最好有埋佢地家長喺度保証佢地個仔話要用刀捅我仔係講笑,如果唔係,我就去報警。個校長聽完除咗碌大佢對屎眼同埋重複又重複講話佢會處理之外就無再講其他嘢啦。我見佢好似唔多想理咁款,我就同佢講:「其實我半粒鐘之前重喺診所做緊個小手術,家陣重未止到血,我而家一邊同你講緊野一邊重流緊血呀(福你個街!我無帶我把老牛黎咋,你成班人係咪想陪我一齊流蚊飯丫!括弧呢啲心諗架啫......),我本來應該瞓床休息等啲血停架,但我都即刻趕嚟,因為我希望你認真咁處理呢件事,亦希望你以家長嘅身份體諒下我地而家嘅心情,對方提到要帶武器黎傷害我個仔,我地係非常擔心嘅,如果只係打拳頭交我無問題(心諗:我仔都學過下詠春,未必輸架你老尾!),但牽涉到武器我就唔ok囉!(心諗:你唔試下喺街同人講話用刀捅佢,睇下人地報唔報警!)其實我可以去報警嘅,咁樣恐嚇他人其實已經犯咗XX條例啦!(心諗:嗱!我有做過功課上網查過架!你唔好當我流!)但係我覺得如果去報警,萬一真係入罪留個案底的話,呢幾個年青人就玩完架啦。過多幾十日佢地就畢業入大學啦,無謂攪到咁大啦係咪!(問心,我真係無諗過要去報警攪大佢,事關真係驚會影響咗人地個仔入大學嘅機會!)我相信呢個起初只係惡作劇啫,亦相信用刀捅我仔呢句嘢99%都係講下架啫,但作為一個母親,我係唔會比嗰淨低嘅1%發生喺我仔身上嘅。」 臨離開校長室,校長話第二日會搵嗰幾件senior問下發生咩事。跟住會比個交代比我。 如果睇到呢度你開始有啲嬲嘅話,咁跟住嘅事直頭令人拳頭硬添! 重記得第二日係星期五黎嘅,由於知道嗰日校長會照嗰幾個senior嘅肺,我嗰日無比口水禧去返學。費事啲senior見完校長懷恨在心真係捅我個仔咪大鑊! 我諗我真係太天眞啦!全世界我諗只有我同禧爸覺得要處理件事架咋!星期五等咗大半日,完全無收過校長嘅電話或電郵。我重諗,可能人地忙呢!或者重要聯絡對方嘅家長呢......我將世界諗得太美好啦! 由於嗰日學校泳隊有比賽而口水禧有幾個項目報咗名要參加,我同禧爸下晝放學時間後就同口水禧返咗學校去參加比賽。行緊去泳池嘅途中,咁啱撞到校長喎,於是我地上前打完招呼之後就問下件事有咩進展。 我:有無咩進展呀? 校長:我無可奉告。(我同禧爸有啲驚諤) 我:你見咗啲senior啦呵?佢地有無認收埋我仔嘅書包呀? 校長:我無可奉告。但我可以保証你個仔喺學校係安全嘅。(我已經開始有啲著火!) 我:咁你有無問嗰幾個証人同學呀? 校長:我無可奉告。但我可以保証你個仔喺學校係安全嘅。(我啲粗口已經上到嘴邊啦!盡力咬住自己嘴脣架咋!) 禧爸:咁你有無嘢係可以講架? 校長:我無可奉告。但我可以保証你個仔喺學校係安全嘅。(我覺得我個頭出緊煙啦!) 我:我係唔會喺我肯定間學校係咪安全之前放我仔返嚟架。你都有仔女,你究竟知唔知道一個阿媽嘅心情架?我無見過嗰班人,我係唔會相信任何人講嘅嘢!(我諗我把聲已經驚動到其他行緊去泳池嘅家長) 校長:你有你嘅選擇,但我再重申,你個仔喺學校係安全嘅。而你要求見嗰幾個學生或佢地嘅家長亦都唔可行嘅。但你個仔喺學校係安全嘅。 我:我唔會信。我唔會比我仔嚟返學。 校長:你有你嘅選擇,但呢個唔係一個好嘅方法亦會影響佢嘅成績!(冚家富貴!乜你覺得我而家重會理成績呢樣嘢咩?) 我:我唔明白點解我地係受害者嘅一方,但乜嘢都唔可以知道。佢地收埋我個仔嘅書包,你問嗰幾個証人咪得囉,有咩咁難? 校長:講真,佢地有無攞你個仔嘅書包真係好值得相确嘅。但肯定嘅係你個仔潑人水令到人地嬲,跟住發生厠所單嘢就係事實。(我xxxx呀!交叉你老母全家個大西瓜呀!點解原告會變被告架呢?我個仔誠實到連自己潑水都爆出黎,但誠實嘅下場就係咁樣呀?我仔已經算好人啦,如果發生喺佢老母身上,佢老媽子點會潑水呀,我會潑屎水呀!) 我:你去問嗰幾個証人咪得囉,講咩相确呀?我而家想同我仔轉校呀!(我諗我已經斷哂理智綫,其實條綫一向都發育唔健全架啦!) 校長:我相信你成功嘅機會好微囉。再講丫,呢個真係唔係一個解決問題嘅好方法囉。 我:咁你會唔會罰嗰幾件野先?(問黎都多餘!真係問黎做乜九丫?明知個答案係咩架啦!) 校長:我無可奉告。但我可以保証你個仔喺學校係安全嘅。講真,就算我罰佢地停學,最多都係停幾日架咋,咁又點呢? 我:咁可唔可以請體育老師喺更衣室睇住唔好比佢地發生衝突呀? 校長:無辦法安排到。 我:咁我唯有報警。 校長:你有你嘅選擇,但我唔覺得警方可以比到咩資料你,佢地最後咪都係黎搵我。 點呀?拳頭打爆玻璃未?忍住,跟住落黎都好精采架! 成場比賽,我真係無心機睇。因為我個腦好忙咁諗緊點攪。我失望唔係因為嗰幾個senior,我失望係因為當我將校長嘅說話講比口水禧聽嘅時候,我見到我仔失望嘅神情寫哂上塊面度,嗰種被出賣、被冤枉、驚比人再打嘅恐懼喺口水禧塊面出晒黎呀!個死人校長,如果根本無諗過要處理件事,咁佢就唔好叫口水禧去校長室講成件事啦!個細路講完,你做校長嘅話會處理,咁個細路就會投咗信任嘅一票寄託喺個大人身上,諗住會有人幫佢出頭,攞返個公道返黎。而家唔處理不特止,重屈返我仔轉頭,話佢先撩人者賤,喂,我個仔其實可以出拳頭架,佢亦可以用暴力嘅方法解決件事架,對方重矮過口水禧,我仔差唔多六呎,重係運動員,隻揪絕對唔會輸架!但係我地一向教佢喺學校發生爭執,千其唔好動手,要搵老師或大人幫手。而家一鋪清晒我袋,叫我以後應該點教仔呀福街!係咪教佢邊個拳頭硬就邊個話事呀? 比賽完咗,我捉住其中一個在校嘅老師兼同學家長問下佢意見,但得到嘅答案令我更加跌到去谷底。佢話,如果係佢個仔,佢會勸個仔息事寧人,避開嗰班野就算。佢地過多唔夠兩個月就會畢業,呢段期間,用住跨性別洗手間換衫喎。我話,我絕對唔會叫我仔去跨性別洗手間黎避開班野,因為而家做錯事嘅唔係口水禧,我唔歧視跨性別人士,但總有人會笑佢地。我仔已經食咗死貓,我重叫佢去跨性別洗手間比人笑,我重係人黎嘅!(我仔以後重洗唔洗抬起頭做人呀?) 真係嬲到爆炸!但我知道我唔可以喺個仔面前失控,今次係一個好好嘅教仔機會,我要証明比佢睇唔係只有暴力先可以解決問題嘅。道理喺我地呢邊,我唔信太陽係喺西邊升上黎嘅。 嗰晚,我地去晒差館報警。黎咗美國廿幾年,第一次幫襯差館。喺嗰一刻,我唯一可以相信嘅只有警察。當然,我有諗過,如果連警察都偏幫嗰邊,咁擺明係歧視啦,咁我地可以同呢個地方講bye Read more [...]
56

終於放暑假啦!

簡直有放監嘅感覺,彷如隔世!自從二年班嘅「唐人街旅行」一役之後,我就被「收監」,踎咗成年,家陣出返嚟啲人都散得七七八八啦,係嘩?唔緊要啦,反正踎緊嗰陣我都慣咗自己同自己講野,就繼續自己同自己講野囉,我強項丫!

60

wrapLive

嗨!收到你地嘅email啦,開頭我有覆email嘅,後來變左覆唔切,唯有喺呢度覆大家啦。See,都話我唔會有時間打去香港騷擾你架啦,試吸塵機同洗床褥就梗係呢世都無時間做啦。放心放心!啲電話號碼經已比晒人攞去畫graffiti啦,以後邊個過黎三藩市可能隨時會周街見到自己個手機號碼出現喺建築物啲牆上面呀;高速公路嘅路牌上面呀;天橋底呀;貨櫃;公厠幅牆呀等等...... 嚇你唔到丫嘛,我而家知啦。由你地比個手機號碼我嗰一刻就已經證明左啦,禧爸驚奇地講:「嘩!佢地真係唔驚你會打去搵佢地架喎!」(我諗如果我真係打嘅話,最驚嗰個應該係佢呀嘩!) 入正題。有某啲blog友應該已經睇到wrapLive嘅相架啦,點解呢?因為佢地已經自行下載兼裝埋個app,重整好埋自己個嘜頭,有見及似,我就即時加左佢地入去個相簿啦。無你份?唔洗驚,家陣咪特登寫篇blog教你點樣download Read more [...]
163

係我呀喂!

無錯,係我。好耐無見啦。耐到唔記得點樣登入自己個blog,問你怕未。 吓?我唔係同你講野,我同我自己個發mo blog講野之嘛。 原來潛水都幾好......得得得,唔好噓我。(黐線,根本無人喺度!) 係咪更年期發作,所以無啦啦摺埋?唔係,我重未係時候食太太口服液住...... 係咪好似啲明星咁扮去外國讀書,失蹤一排,其實去左生仔?(倒抽一口涼氣) ...... 諗多左啦你! 無特別原因,純粹就係無時間囉。年紀大,捱唔到夜,係要有啲取捨。(而家已經打緊喊路!) Read more [...]
52

究竟想點?

以下事件以不記名方式記錄,如有雷同,實屬巧合兼且......要坐埋一檯!   話說有一日,某人捧住一碟醃好左嘅生雞脾正準備攞出去車房擺入雪櫃雪住碟野,留返晚飯嘅時候蒸熟黎食。打開門,雙手將碟雞脾「隊」入去面前嘅「雪櫃」,突然發現......   自己正準備放碟雞脾入去個洗衣機裡面!!!!! 話說有一日,有兩個人shopping完,正前往停車場攞車走人。行到自己架車泊嘅嗰行之時,其中一個突然大叫「有無攪錯呀!」頻率隨住迫近架車越叫越密,一邊行一邊不停「有無攪錯!有無攪錯!有無攪錯!(下刪N次有無攪錯!)」另外嗰個人推住架手推車係後面大吃一驚,佢亦不停問:「做咩?做咩?做咩?(下刪N個做咩)」只見前面嗰位有無攪錯企左係車前嚎叫,後面嗰個猛問「做咩?」原來眼前架車車尾比人撞爛左,機本上後半截車都笠左花左!於是「呀有無攪錯」就隨即轉身準備抄低左邊架車嘅車牌準備報警,但其實心中又好奇怪點解左邊架車無花架呢?正想抄人車牌之時,突然發現...... 自己準備抄自己嘅車牌!!!!! 後面嗰個猛問「做咩」嘅此時話:你做乜猛對住人地架車大叫呀? 某日,有個人趕住返工,出門口前執好個袋就走左。到左公司後如常做野。此時嘅屋企唔見左一樣野,而嗰樣野就喺某人個袋裡面...... 屋企個室內無線電話呢? 某年某月某日係香港九龍旺角附近,一輛私家車裡面坐左四個人。因為切線問題同另外一架車發生爭執,對方喺司機位個窗伸手入人地架車拍左司機個頭一下,繼而比佢自己個朋友勸服上返車。此時比人拍頭個司機嘅同車友人條氣唔順決定打999報警。同時司機吊住前面打人個司機架車。前面嗰架車遊花園企途撇甩後面架車,而嗰位報警嘅人士繼續同警方保持對話,一邊報告自己架車嘅位置。佢話:「係,係......我哋而家入左xx街(唔記得旺角嘅街名!),係 Read more [...]
46

#007的70快樂生辰

 

以前未有口水禧之前,每年我同禧爸多數都會揀11返香港,因為美國有感恩節大假(其實都係得嗰兩日咁大把啫!),11月天氣唔太熱又唔太凍,重可以著短袖,唔洗著大褸攪到「褸褸憂憂」咁「論盡」。加上禧公公同禧婆婆都係11月之星,所以就可以順道陪埋佢地過生日啦。

39

她來了

闊別勞改生涯有年幾嘅呀婆10月中又自動獻身黎進行地獄式嘅勞改生啦!(呀婆:邊個話我傻呀,我最傻!邊個話我笨呀,我最笨!)

洗衫、煮飯、買餸、掃樹葉淋花樣樣有,正所謂,用得唔好嘥!(呀婆:比雷劈呀你個衰女包!)講笑啫,我唔驚有報應,都驚出街踩屎啦!之但係,呀婆黎左之後,確係多個人幫手,家務都做得快啲啦。我去睇覆診又唔洗帶住口水禧,方便好多架!之前每年一次嘅婦科檢查,撞正暑假,要禧爸特登請假喺屋企睇住禧哥,我先有得去咋!你話幾煩呢!

25

執笠

未諗搬去邊呀,諗左會講架啦。不過聽講下載左嘅舊blog內容好似啲相要逐張上載返去新blog度,咁啲舊blog先會見到相。幻想下都覺得煩,所以除非所有嘅野會按個制就自動歸位,如果唔係,我諗我會就咁下載左啲舊野收埋佢就算,唔會再上載去新blog度啦。重有幾個月可以睇,12 月之後啲野就會忍著淚說一聲goodbye架啦。 得幾行字嘅blog都夠膽出,可見我都無為yahoo blog執笠而傷神!噓,灑脫啲啦,正所謂舊嘅唔去,新嘅唔黎,比仔撇比女飛比人炒都要繼續向前望,執笠,眯開過檔囉! Read more [...]
0

炮灰

近排係咪傻左猛更新個blog,失驚無神突然有時間架呢?搾咪有囉。而家每日放左學返屋企即刻食啲野就要出去練水。(前幾個blog咪講左囉,又提!)ok