59

wrapLive

嗨!收到你地嘅email啦,開頭我有覆email嘅,後來變左覆唔切,唯有喺呢度覆大家啦。See,都話我唔會有時間打去香港騷擾你架啦,試吸塵機同洗床褥就梗係呢世都無時間做啦。放心放心!啲電話號碼經已比晒人攞去畫graffiti啦,以後邊個過黎三藩市可能隨時會周街見到自己個手機號碼出現喺建築物啲牆上面呀;高速公路嘅路牌上面呀;天橋底呀;貨櫃;公厠幅牆呀等等……surprised

嚇你唔到丫嘛,我而家知啦。由你地比個手機號碼我嗰一刻就已經證明左啦,禧爸驚奇地講:「嘩!佢地真係唔驚你會打去搵佢地架喎!」(我諗如果我真係打嘅話,最驚嗰個應該係佢呀嘩!)

入正題。有某啲blog友應該已經睇到wrapLive嘅相架啦,點解呢?因為佢地已經自行下載兼裝埋個app,重整好埋自己個嘜頭,有見及似,我就即時加左佢地入去個相簿啦。無你份?唔洗驚,家陣咪特登寫篇blog教你點樣download 完裝好個app同埋點樣用個app囉。係呀,你都用得架,大佬!

非常認真咁講一次:我無收錢無任何著數幫人宣傳咩野架吓!個app係禧爸公司寫嘅,寫完想搵人試用比啲意見(即係佢地稱為beta customer),我咁啱用得著,咁啱又有blog友話有興趣大家喺嗰度交流下,就係咁啱架咋,我無變過架……個格。(外型同身型就晨早變到我呀媽都唔係好認得我啦!嗚~~~~!)

入得正題未呀大姐?bitter 入啦入啦……

每當我嘅朋友裝wrapLive之前最常問嘅問題就係:「車!咪即係facebook呀,instagram囉!」No! 梗係唔同啦!

wrapLive最早期嘅口號係Your Favourite Moments, Your Favourite People, Right as They happen. 我將佢譯左做「對的事,對的人,一起拼湊生活回憶」。個亮點就係喺「一起拼湊生活回憶」呢度。究竟點樣一起拼湊呢?

wrapLive特別嘅地方就係容許好多參與者一齊上載相片去同一本相簿度。喺有得上網嘅地方,基本上啲相係即影即上載嘅。就算無得上網嘅地方,你都照樣可以影住先,到你去到上得網嘅地方,啲相就會自動比上載到你指定嘅wrapLive相簿內。例如旅行、生日會、去飲、party、婚禮等等,總之一大棚人參與嘅場合,你又影,我又影,佢又影,全部相都會喺同一本相簿出現,咁大家就唔洗影完whatsapp 黎whatsapp去或去人地個facebook下載返啲相落自己部電話度啦。(其實有幾何會事後下載返晒啲相丫?)更加唔洗影大合照嘅時候係咁輪住將自己部手機交比負責影相嘅路人甲,攪到人地一手都係電話啦。

我平時唔係好用facebook擺相嘅原因係我覺得要喺嗰度set邊個睇到,邊個睇唔到啲相呀,邊個可以上載,邊個淨係齋睇相呀等等嘅設定好麻煩,有啲功能重唔可以喺手機設定嘅,咁用起上黎對我黎講唔係好方便喎。所以無乜喺嗰邊擺相。加上屋企有啲長輩或者我有啲朋友係無facebook嘅,用whatsapp 傳相又散到一地都係,第時想睇都唔知去邊到搵返晒返黎睇!blog又脫期,咁wrapLive就解決左以上嘅問題啦。禧婆婆想睇下我地去旅行嘅相,佢都識開個wrapLive黎睇,新鮮滾熱辣嘅相又有,之前一日嘅相又有,夠佢慢慢嘆完又嘆,嘆完重可以留言添!

除左一齊影過相嘅人可以貢獻回憶之外,其實睇完相留過言嘅人都一樣對件事留過回憶。有時相片有趣嘅地方未必一定喺張相度,睇返大家講過啲乜其實都好好笑,值得回味架。

重未知我講咩?唔緊要,你親身試下就會慢慢明架啦。

Screenshot_2015-03-03-21-06-31

圖一

 

  1. 你可以喺App Store 或Google Play Store下載wrapLive,睇你用咩手機啦;
  2. 如果係人地邀請你睇佢嘅相,當佢加左你入去佢本相簿嘅friend list之後,你就會收到一個sms(圖一)。
  3. 收到sms之後,你就click條藍色嘅連結線,佢就會帶你去下一步,準備下載wrapLive。

如果你身在海外,無當地嘅上網服務嘅話,記得臨行前熄左你手機收sms嘅功能啦,如果唔係嘅話,嘩!啲收費甘囉!

即使你喺海外上到網都好,若然唔係用緊wifi而係用緊data plan嘅話,咁你都唔好喺呢個情況下下載wrapLive啦,一係就臨出門前下載左佢,一係就搵到wifi嗰陣先下載啦,慳返啲data丫嘛。

Screenshot_2015-03-03-21-07-15

圖二

click完頭先sms入面條連結線之後,你就會見到呢版野。

install

 

Screenshot_2015-03-03-21-07-28

好多人下載app嘅時候都好驚見到呢版野,怕比人偷左資料呀或者唔知點咁啦,我個人裝其他app嘅時候都好怕呢版野,不過據禧爸所講,呢版野係AppStore,Google play store規定要問架喎,所有人要裝個app嘅話都要按ACCEPT

 

Screenshot_2015-03-03-21-08-02

圖三

裝好左之後就會見到呢版野(圖三)。

按 agree

Screenshot_2015-03-03-21-08-18

圖四

  1. 輸入你嘅email。小心啲慢慢打啲字喎,事關手機又可以裝wraplive,平版電腦都可以裝架喎,但當你裝完手機然後再裝平版電腦時,一個唔小心打錯email的話,咁你就會變左兩個唔同嘅用戶架啦。
  2. 按 next
Screenshot_2015-03-03-21-09-35

圖五

  1. 揀選你所屬嘅地區。
  2. 輸入手機號碼。
  3. next
Screenshot_2015-03-03-21-09-39

圖六

  1. 確認一下你有無入錯資料,喺呢個時候就唔該驗X咁驗,睇清楚有無打錯字。
  2. 資料無錯嘅話就按YES
  3. 更改資料,按EDIT
Screenshot_2015-03-03-21-10-27

圖七

唔淨止你要檢查有無打錯電話號碼,wrapLive都會check用戶輸入嘅電話號碼係咪真係一個有效嘅號碼。

next

Screenshot_2015-03-03-21-10-03

圖八

大呼一口氣!恭喜恭喜,終於都裝好啦!

裝好嘅同時,你又會收多一次sms,用android機嘅朋友係唔洗理呢個訊息,因為你部手機會自動幫你攪掂。你跳去下一幅圖啦。

iphone嘅朋友就要抄低sms裡面傳送比你個四個數字,用黎做確認。

Screenshot_2015-03-03-21-10-41

圖九

  1. 呢個時候,按 gray camera 你就可以自拍自己個嘜頭。
  2. 輸入你個真名或藝名(←hard-laugh
  3. startwraplive
  4. 如果唔想出自己個嘜頭,你可以係手機嘅相簿內揀張靚到就黎攞獎嘅相黎用啦。要揀相,按 gray camera 入到攝影模式,再按右下角嘅selectpic

 

gallery

圖十

入左呢版,你就可以喺其中一個相集入面揀張靚相。

 

profileSelect

圖十一

  1. 揀張靚相,然後按右上角嘅 Send
  2. 揀好嘜頭後,就繼續做圖九嘅第2同第3點。
mainpage

圖十二

攪掂個嘜頭之後,登戥!主頁出場啦!如果我已經加左你入去Life In SF (B) 嘅話,你應該會見到圖十二呢個畫面。相下面嗰堆野係我自己或者親戚朋友嘅相簿 (當然啦,要佢地有加我入去佢地個friend list,我先睇到佢地嗰本相簿嘅相)。

黎到呢度,你已經成功下載wrapLive、裝左個app、建立自己嘅wrapLive戶口、整好自己wrapLive戶口個嘜頭、最重要就係成功搭上左口水禧……啲相啦。

 上面都講過啦,呢個app現時重喺初試嘅階段,正所謂單憑一件蕃薯加幾件蛋散呢係唔多夠諗頭嘅,而且情人眼裡出西施,自己賣花梗係讚花香架,好難用旁觀者清嘅角度去分析個app點樣再可以更進一步。所以如果你平時都好鍾意影相,留低一啲生活嘅點滴的話,不妨試下自己都整返個相簿(wrap),邀請自己嘅親朋戚友去睇下你嘅相,甚至係共同加相入去一齊分享。喺使用嘅同時,歡迎隨時比意見,當然唔好「問候」我地嘅娘親啦,要柄就柄我好啦,嗰兩個揸lift架咋。
OK,如果要開私檔建立自己嘅相簿,follow me……devil
見唔見圖十二嘅右上角有個createwrap?click佢啦。
Screenshot_2015-03-05-10-49-29

圖十三

按左個createwrap之後,就會去到呢版。

_________________線上輸入相簿嘅名稱。Wrap其實即係相簿,意思係將美好嘅回憶,時光以及所愛嘅人全部包埋一齊,一卷一卷咁收藏

打好相簿名之後,按OK

 

Screenshot_2015-03-05-10-54-53

圖十四

按完OK之後,就會進入呢個攝影模式,你可以開始影相架啦。

如果當下唔想影相,你可以喺手機嘅相簿內上載你想保存喺呢個wrap內嘅相片。按selectpic

 

gallery

圖十五

按完selectpic之後就會去到呢版野。你可以喺呢啲相集之中揀選你想上載嘅相片。

例如我揀Camera入面嘅相嘅話,就會見到下一版(圖十六)。

uploadpic

圖十六

一次過可以同時揀十張相上載去wrapLive度。

揀完相,按右上角嘅Send

Screenshot_2015-03-05-10-57-01

圖十七

成功上載左相架啦!

除非你唔想比任何人睇到你嘅相啦,否則嘅話,就按右上角嘅addfriend加朋友入黎睇相或上載佢地影嘅相。

 

Screenshot_2015-03-05-11-00-22

圖十八

其實呢版就係你手機嘅電話簿,只要你有你想加嘅人嘅電話號碼,你就可以邀請佢加入你呢個wrap。一次過無限人數,你鍾意加幾多個都得。切記,第一次比你邀請左嘅人係會收到sms架,如果你知嗰位朋友成日會去外地工幹而又無用當地電話卡之類,咁就小心啦。一陣唔小心攪到佢變左漫遊收sms就慘啦。

加好晒要加嘅人之後,按doneaddfriend

其實我已經加晒所有email過我嘅人架啦,不過有啲重未裝個app。如果你睇到呢篇blog發現自己未裝嘅話,不妨睇下有無收到我比你嘅sms啦。如果無的話,記得話我知。

 

我估而家呢一刻,你除左對個app有啲疑問之外,最大嘅疑問就係究竟我喺度做乜呢?點解會寫呢篇野呢?

開估……其實我過左黎美國之後,就喺I_M度做tech writer,負責寫電腦軟件嘅說明書。一個對電腦一竅不通嘅人做tech writer確實係幾詭異!所以上面嘅野本來就係我以前日日都要做嘅工作,家陣純粹係義務再操故業,拔刀相助咁啫。明未?

呀~~~幾乎唔記得問,有無人喺facebook比過friend request比我,而我又已經加左你入去wrapLive架?我下一輪就諗住覆friend request嘅人架啦,你唔想重複咁收到我嘅廢話就話聲我知啦。(其實有時唔知人地係咪一個唔小心手指篤錯friend request 比我……唉!唔理啦,厚面皮一直都係我嘅特異功能,我會照樣硬住頭皮問人嘅。hard-laugh

喂!wrapLive見啦!profile (呢個就係我喺wrapLive嘅嘜頭,簡直係顛倒眾生呀!)

 

 

 

 

 

 

禧媽

59 Comments

  1. 禧媽…終於俾我搵得返你了😭😭😭😭
    呢幾年好嗎?

    我係 加拿大Google play 見到呢個 app 變左 mewrap, 係咪同一個黎架?
    但係搵唔到 Add friend button

    求救啊

  2. hihi,
    我想問呢wrapLive係唔伙轉症名??
    唔知點解轉左機用唔返舊AC :cry: :cry: :cry: :cry:
    thanks:)

    • 係呀,而家iphone會有呢個問題,不過新嘅version 已經解決咗啦,等緊Apple嗰邊審批,應該呢個禮拜尾會出到街架啦。暫時解決方法下先uninstall個app,然後再install返就得架啦。唔好意思呀!

  3. Hi 禧媽 , 我之前有Email 我電話給你, 可以 add 我嗎? Thanks!

  4. 禧媽,我暫時吾敢下載!我在印尼,怕用好多數據!只好繼續追Blog!

      • 我老公在這裡工作我跟著他,在這邊已很久了!仔女在港工作,我每年回港住1個月左右,我在這邊係買數據咭!你要多d post上Blog呀! :mail:

        • 嘩,咁即係你定居喺印尼?禧婆婆嘅外家就喺嗰度,我有好多親戚都喺印尼喎。你喺邊個城市?雅加達?
          如果你屋企有wifi,就唔洗用手機嘅數據卡下載wrapLive架喇。不過第一次下載後會收sms,我都要問下我啲表弟妹sms點樣收費嘅先。

          • 我住在Bandung,家裡沒有安裝wifi。好呀你問表弟妹?會用多少數據? :bye:

  5. 我都download咗wraplive ..但点可以睇到口水禧&禧媽呀??

  6. hi禧媽 我之前有Email俾我電話你嘅 你都有復我 不過我未收到你add我個sms窩btw…我喺koni :rose:

    • 下?唉!我真係越老越「論盡」! :cry: 你等等,禧婆婆今日入院,我同屋企人聯絡好後會即刻加你架啦。唔好意思!

  7. 我個人都幾唔鍾意用呢類apps,Whatsapp如果唔係工作需要都好少用…都係鍾意屋企坐定定上網多D~ :yes:

    • 無計啦,能夠坐喺電腦前上網對我而家太奢侈啦,我部相機啲相已經泛濫,望見都唔知點算!所以決定用手機影完再放上去wrapLive,影又方便,upload又方便,睇又方便丫嘛! :yes:

  8. 妳好…禧媽!
    我都係用iPhone
    斬係一直收唔到4個數字嘅sms嘅?

  9. 妳好!
    想問下我用iPhone register
    但點解一直收唔到4個數字嘅sms嘅?

  10. 搞掂好啦.,.不過唔知點解每次CLICK去張相睇就會彈APPS,.,.,.,><

    • 係咪張張都彈?咁係白色畫面定係直情跳左出去你電話嘅wallpaper嗰頁?

      • 每張都彈, 係直情跳左出去我電話嘅wallpaper嗰頁, 我現在只能唔click圖睇住你個樣先,.,.,., :cry:

        • 彈app呢個禧爸話已經fix左,不過要過多個禮拜先有得update。(因為app store規定全部放喺佢地嘅app都要經由佢地check過內容聖出得街嘅原因)。不過唔係全部機都會彈app,禧爸話解我都唔會明,所以佢無解比我知,頂佢!

          • 係呀!我都複左Sammy,你忍耐多一陣,我地盡快將個fix上架!謝謝!

    • 梗係可以啦,但我要你嘅手機號碼先加到你架喎。你可以email 去lizalch@gmail.com :yes:

  11. 呢個app :good:
    不過禧媽你都一齊多啲上鏡啦 除左口水禧都好想見到你咖哈哈哈
    想講少少個app
    upload之前用電話相機影嘅相時crop完之後唔係嗰個size
    同埋原圖都變左crop左嘅size而唔係另存新檔 :-(

    • Cut 相個問題其實佢地研究緊,因為我啲相都有被cut, 激c 我!而家佢地會暫時還原返4:3嘅size 先,慢慢再研究點樣可以出full screen 而又唔會cut 相或拉到啲相變形。應該呢個星期你會見返啲相變4:3. 如果變4:3 之後再有問題記得話我知,我幫你去鞭到佢地開花! :yes:
      我都間唔中有出鏡嘅,不過你知我屋企揸機比較正常嗰個就係我自己架啦,叫禧爸影我,盞趕客啫! :cry:

    • 你好!Crop相問題已解決了,你得閒check下你啲相okay唔okay?
      原圖問題…我地正在解決中。謝謝支持!

Leave a Reply

Your email address will not be published. Required fields are marked *

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)