44

小學龜 (勁爆長)

本來想用「小學雞」做呢篇blog嘅名,點知上網查下「小學雞」嘅意思全部都唔係好野黎嘅,於是自創左一個新名詞比我個仔,我叫啱啱上小一嘅口水禧做「小學龜」。龜一驚就縮入個殼,幾乎乜都驚,少少動靜就縮。同口水禧初初上小一時一樣,老師鬧隔離位個同學,人哋未驚,我仔就自己驚到震!

22

我的志願

幾年前嘅一日,口水禧攞住一個裝lego嘅桶走嚟同我講:「呀!媽媽,我第日大個想做倒垃圾呀!」嗰陣時嘅佢,三歲。
唔知道一般人聽到自己嘅仔女同自己講佢第時大個想去倒垃圾會有咩反應呢?而我當時嘅反應咪就係笑囉,同埋叫佢要食多啲飯先有力舉起個垃圾桶倒垃圾架!講完佢重一隻手拎住個桶,另一隻手拎左個袋話係佢個公事包喎,同我講句:「我返工啦!」。過癮!

0

如果你可以……我就會好開心!

身為泳隊成員嘅口水禧有個好神奇嘅C穴,就係非常驚喺踏板上跳水。教練攪左呢個問題成年都攪唔掂。每次個個隊員一聽到教練話放踏板比佢哋玩跳水,個個都非常興奮,飛身轉體後空翻咩招都有,務求用盡嗰段企喺踏板上短短嘅幾秒使出渾身解數,懶理撻生魚又好,鼻哥窿入水又好,總之都爭住跳多幾次。無論係全場年紀最大又好,最細都好,無一個會唔鍾意跳......唯獨是我個仔,叫佢跳水重慘過叫佢跳橋!佢以前會直頭唔肯去排隊,後來隊照排,但任憑幾個教練落足嘴頭氹佢又好,昆佢都好,甚至上踏板準備推佢落水都好,口水禧會堅持到最後一秒點都唔會跳架啦。後來好啲,喺上面縮縮下想唔跳但又唔敢唔跳,跟住焗跳,跳完上黎兩行眼淚,口中念念有詞:「我最憎跳水呀!」然後發老脾。今日,教練又安排大家去跳水,我望見口水禧望住塊踏板有啲猶疑,同佢一貫嘅作風無兩樣,都係嗰隻無何奈何跟住去排隊咁嘅款。我坐喺佢哋條隊附近,口水禧就黎上踏板之前經過我身邊,我向佢話:「禧禧,比心機,如果你跳到,媽媽會好開心!」(我仔好鍾意日日都問幾次我同禧爸嗰日最開心嘅事係咩,通常我哋都會講一件關於佢嘅事,借啲二讚佢鼓勵下佢。)最初驚到老豆姓乜都唔記得嘅口水禧望住我無表情,原來佢已經驚到聽唔到我講野。於是我又再講多次,今次佢聽左後望左我幾秒就上左踏板。

0

口水禧的P牌

記得我大約係小學一年班嘅時候學踩單車﹐當時係有個叔叔見我自己喺度亂咁舞架單車﹐頭搖又尾擺咁﹐成日都界乎係跌同唔跌之間﹐於是好心教我學﹐結過學咗一陣就搞掂咗。我細個好百厭﹐成日都會PK﹐一對膝頭哥係無忽好肉嘅﹐佈滿藍藥水嗰隻。(唔知家下重興唔興用藍/紅藥水架呢﹖)個膽都唔細﹐所以唔怕踩單車會PK﹐還掂成對腳都係藍藥水同疤痕﹐多一達「喇」唔多﹐無乜所謂。(大個先知咁樣係著唔到短裙/褲﹐嗚~~~~)

0

Rap Session – 關於口水禧

尋日掛住講人哋個仔﹐竟然唔記得咗自己都有個仔添﹗其實前幾個blog都講過下口水禧喺學校嘅情況﹐佢應該算係唔多麻煩嘅一群細路﹐而家連講英文嘅障礙都打破咗﹐所以都無乜野要特別招呼呢條友架喇。(嗰晚去完個rap

0

生與死

今天﹐學校裡有一隻年老的母雞死了。首先是班中的一個孩子發現老母雞奄奄一息的躺在地上﹐臉上全是泥土及螞蟻。老師得悉後往查看一番﹐老母雞最後在老師的手上深深的呼了一口氣﹐張開了一下翅膀﹐然後閉上眼睛「走了」。

0

孔融讓梨

在現今的社會裡不知道有多少個孩子聽過「孔融讓梨」的故事﹐當中聽過而又會實踐的不曉得有多少人﹖
從小﹐禧婆婆就常常嘮叨我跟肥玲︰「做人不可斤斤計較啊﹐多吃點虧沒關係。尤其是兄弟姐妹啊﹐誰多吃誰少吃沒什麼大不了的。」但她沒有講過孔融讓梨的故事給我們聽。只說做大的就該讓讓小的。為什麼做大的就要讓小的﹐我哪裡知道﹐反正媽說什麼就什麼。不過有些時候我還是會跟肥玲搶玩具喇。我又不是聖人﹐七情六欲沒斷筋呢。

0

親力親為

尋日比yahoo生吞咗嗰篇遲下記起先再post喇。整佢個制﹗

每朝早﹐有時或者係等到下晝我先得閑﹐但我都盡量保持呢個習慣﹐咩習慣﹖咪就係執床執房囉。如果嗰晚入房發現張床係未執嘅話﹐咁唔洗問喇﹐嗰日應該係忙到黐咗線﹐莫講話執床﹐睇怕我應該係連毒都無時間去排。

0

重新開始

今日口水禧參加嘅暑期班係專為九月pre-K課程而辦嘅班﹐不過我哋一個同班同學都見唔到。可能有D去咗camp﹐有D成家去咗旅行未返﹐又或者係家長唔諗住比個小朋友嚟上啩。記得舊年口水禧都有參加過preschool嘅暑期班﹐重係佢後來preschool嘅老師負責嘅添﹐上過嗰班之後﹐雖然開學嗰陣都重要陪大少去返學﹐不過總算喺暑假嘅時候叫做熟習咗學校嘅環境同埋令佢同個老師都熟落D。 所以今年都唔例外﹐一樣比佢去參加pre-K嘅暑期班﹐目的除咗想等佢繼續習慣喺英語嘅環境返學之外﹐亦都比佢習慣下pre-K嘅上堂模式﹐唔洗等到開學嗰陣先嚟重新學過晒﹐到時連D同學都要重新習慣完全唔同嘅上堂方式﹐唔大混亂至奇﹗ Preschool嘅時候﹐日日都好自由咁喺每個唔同嘅活動攤位穿梭﹐有D同學直情係日日都喺室外玩﹐幾乎唔入嚟課室做其他活動﹐例如畫畫﹑玩積木﹑搓泥膠等等。除咗circle Read more [...]