)，手同面係重災區，唔講重以為我都加入左泳隊，甚至係滑浪愛好者添！喺香港嘅話，人哋可能會以為我係水上人都唔定。（實情我係完全唔識游水嘅。
）
係五點，無錯，5am，何解返八點三都要倒夜香咁早起身呢？因為我嘅目標係七點半前架車要去到學校條街，事關七點半後嗰條街車量洶湧嘅情度肯定會令我eq盡失，加上口水禧今年係第一次咁早去學校等返學，佢唔知要去邊度集合等夠鐘入課室，為免佢行去錯地方，我一定要去實地睇下咩環境先安樂嘅。雖知學校係無閘無圍欄，啲細路落左車鍾意行去邊都得，拐子佬入黎拐細路又得，乜都得，所以話我係怪獸又好，變態又好啦，唔見左個仔邊個賠返比我先？
盡人事啦，唔知整唔整到咁靚架大佬！幾廿歲，眼又矇手又震……
救命呀！
往時處於「街口見到佢街尾先閃人」狀態嘅mimi而家對口水禧總算叫解除左少少恐懼，有時口水禧梳化拍下大脾，mimi都會比下面坐下佢大脾，氹得口水禧鬼咁開心！有日下晝我眼訓得濟喺梳化訓左，醒返嗰陣見口水禧同mimi 靜靜哋一齊坐，我魂魄都未返齊之時，突然聽到口水禧細細聲同我講：「媽媽，我頭先同mimi結左婚啦！」
「恭喜你喎！」除左講句恭喜，我重可以講咩呢？
雖然有錯漏，但比起佢上次寫自己個名已經叫做睇得明架啦！上次係將成粒字斬件咁上，打橫一字排開咁逐個部首同部份寫，問你服未！有好多人問過我幾時教佢中文。都係嗰句啦，佢問我點寫點讀，我就教佢，但只會教佢想學嗰啲，其他佢唔問我就唔會教啦。上面呢句都係佢問，我先寫比佢睇，佢跟住抄。曾經有個中國人ABC家長問我話：「你唔教佢中文，咁佢咪會有generation loss囉，佢會唔識自己民族嘅文化架喎！」係呀，但都無辦法架，鬼叫佢住係外國咩！英文都未學掂，我唔會再加其他文字比佢黎擾亂佢啦，再加上呢個年紀唔係一個適合學寫一啲佢都唔常用嘅文字，將來佢有興趣學嘅話，佢自然會學，無須我而家操心。我都唔識講我鄉下話，連去都未去過添。有啲野，到左一個年紀，你自然會想去認識佢，唔係適當時機係夾硬唔到嘅，眼見好多中國人細路週末去學中文，敢問真係有幾多個真係學完識寫識讀？當嗰樣野喺生活上自己用唔到嘅時候，你一定會忽略佢；當你要用嘅時候去學，係會事半功倍嘅。
對我黎講，學任何野最重要嘅係首先你唔討厭佢，其他野，幾時學，學幾多，一啲都唔重要。
雖然動靜依然有啲低B，不過行出街做錯野，人哋係唔會好似對待兩、三歲嘅細路咁包容架啦。所以我時時喺街都要提佢要小心啲，唔好大叫亂跳，整親人會比人鬧架。當然，我有我講，佢有佢繼續顛。呢個係6-7歲嘅特徵，婆婆叫我忍多幾個月，希望禧哥過左7歲之後會好啲啦。
嗰日去泳隊度做義工，比兩件7-8歲嘅細路仔激死咁濟。
好無禮貌，唔守秩序，搗亂失控！我拉佢哋埋黎排隊等比賽，有一個重一手fing開我鬧我”get off from me!”，跟住重手指指口o翁o翁唔知鬧我乜。谷住度氣，我都費事再理佢哋，其他家長話可以喝佢哋，我心諗我驚我喝完佢哋之後，我一係比警察拉左，一係口水禧比人踢出泳隊咋！喝細路邊個唔識丫，但佢哋又唔係我個仔，我點知我喝完，佢哋會有乜反應，一陣影響左佢哋比賽，我咪大穫！
成日見到有人批評西方教仔嗰套唔work，都係嚴打嚴罰好啲。其實係大家誤會左西方嗰套即係「唔理，有得佢」就叫做教左。其實人哋唔係咁嘅意思，西方嗰套要求家長不停講道理不停同個細路傾，重複又重複咁提醒個細路有邊度要再做好啲。如果無時間無耐性唔堅持嘅家長，攪攪下真係會變左唔理，咁個細路梗係會越黎越差啦。所以有時聽人講「鬼仔零舍曳架！梗係啦，啲鬼佬都唔理嘅，又唔鬧又唔打！」我心裡不禁暗笑。
上面嗰兩個細路，後來比人投訴，教練捉佢兩個訓話左一輪，確係有改進。之後再去排隊等比賽已經無咁顛，重可以話比之前好好多！比賽當中，我聽到嗰兩個細路嘅其中一個呀媽同其他家長呻話佢個仔游背泳比平時慢左兩秒，因為掛住望隔離線，呢樣個嗰樣。教練行埋黎同個呀媽投訴佢個仔唔守秩序，個呀媽聽完同個教練講左兩句，又會復佢之前講個仔游得唔夠快嘅事。我唔知個細路本身有無身體上嘅毛病，亦唔知平時個呀媽點教佢個仔，不過聽佢同人講佢點怪責個細路掛住望人而游得慢左兩秒，大概都可以估到下平時兩母子係點。呢個細路，肯定就係啲人口中講嘅「鬼仔係曳啲」個類。
觀察口水禧開始有開口埋口鬧呢樣嗰樣嘅毛病（好彩未漫延到對街外人啫！），喺街，我盡忍佢，有時佢做錯野，我會特登按低把聲講慢啲黎話佢。唔趕時間嘅話，我會解釋比佢知頭先做錯咩。趕時間兼火遮眼嘅話，我會話佢知我當下好慶，叫佢唔好同我講野住，等我落左火先再傾。火到屎都滾嗰陣當然會忍唔住柄，但唔會喺街破口大罵或郁手郁腳啦。喺屋企就梗係無喺街咁客氣，有時都會鬧佢，通常鬧幾句就算。
如果覺得上面係廢話，唔洗話比我知。到我仔再大啲，我自然會知道。
體罰唔適合我用，eq咁低，我驚我會打瓜我個仔！
想睇佢低B啲嘅樣就要低炒佢塊面，咁就重有少少唔知點解從何而來嘅baby fat！
牛角包夾芝士加檸蜜一杯
