細路仔嘅品味有時真係好耐人尋味！就好似今日我哋係課室準備緊父親節嘅禮物咁，老師攞左一抽領呔返黎諗住比啲細路揀黎送比佢哋老豆。成抽呔當中，有一條我哋幾個呀媽笑左幾日！
完全唔明白買嗰個人究竟想點！佢係一條啡色嘅呔，成條呔無其他野，只係喺一頭有個魚頭，呔尾有條魚尾。條魚個樣好似平時我哋蒸嘅魚咁嘅樣，條呔戴左上身之後，個魚頭就會向住地下，條魚死唔眼閉，口擘擘咁向住男士嘅重要部位，當嗰位男士步行嘅時候，條魚就會fing 下fing下咁；當個男士坐低後，條呔就會啱啱好去到褲鍊位，咁就造就一幅好好笑嘅畫面，一條死唔眼閉口擘擘嘅魚頭攤喺嗰位人兄嘅大腿內側……
完全唔明白買嗰個人究竟想點！佢係一條啡色嘅呔，成條呔無其他野，只係喺一頭有個魚頭，呔尾有條魚尾。條魚個樣好似平時我哋蒸嘅魚咁嘅樣，條呔戴左上身之後，個魚頭就會向住地下，條魚死唔眼閉，口擘擘咁向住男士嘅重要部位，當嗰位男士步行嘅時候，條魚就會fing 下fing下咁；當個男士坐低後，條呔就會啱啱好去到褲鍊位，咁就造就一幅好好笑嘅畫面，一條死唔眼閉口擘擘嘅魚頭攤喺嗰位人兄嘅大腿內側……
我叫佢做鹹濕魚頭呔！
我哋幾個呀媽重話如果自己個仔 / 女揀咗嗰條呔嘅話，都唔知我哋啲老公點算！
（ 係，我哋係一群衰婆，極想睇下自己個老公厲野！
）
結果其中一個呀媽個女真係揀左嗰條鹹濕魚頭呔比佢老豆，個呀媽即刻制止左呀女，救左佢老公一命！
點解口水禧唔揀嗰條呔呢？我真係極想我老公父親節嗰日戴住條鹹濕魚頭呔出街呀！
睇到口水禧嘅品味未？橡筋褲頭都要腰帶？ 咁你要唔要整條吊帶底褲咁呢？（加魚頭嘅話要加$2 ！
）
有一下佢拉高件衫時，條橡筋腰帶上左佢個肚臍對上，直接搭喺啲肉上面。 呢種fashion 唔知係邊門邊派嘅特色！ 我諗玩多陣，條腰帶再向上移，即刻變無杯胸圍，重係前面扣嘅添！
佢指住個扣話，「拿！如果你噤呢個制呢，我就會即刻放屁架啦！」
即場示範屁彈mimi一飛沖天！
示範完佢嘅新發明之後開心得濟，笑到標眼淚…… 笑住問：一陣游水洗唔洗戴腰帶呀？
泳褲配腰帶，重有鹹濕魚頭呔，令我有中年陰影！
