我真係唔想口水禧日記呢個blog變左做我嘅私人怨婦「區」樂部，但條氣真係chok上心口咁濟！由於近日嘅花粉敏感好嚴重，唔出得去跑步，我入面個炸蛋就黎要爆，今日已經燃燒緊，火到入面屎都滾咁濟，唯有喺度放低幾「兩」（個輸入法無正確嗰個字嘅？）先，啲粗言穢語今朝已向我老公表演晒，所以而家個口應該乾淨左少少，放心！
下星期學校旅行日，平時一班話之你死嘅家長們突然喺外太空返落黎地球，個個都報名話要陪個細路去旅行。好多開學咁耐完全潛水嘅粉皮都竟然有報名，我嗰日真係要睇清楚下呢班自私精嘅真面目先得。
由於啲細路係會搭校車去目的地嘅，每班可以有最多七件家長跟車，淨返嗰啲就要自己揸車去。睇到呢度，可能已經估到發生咩事啦。無錯，就係爭住跟車啦。平時得我同另外一個下晝班嘅媽媽做到 PK，上晝班可以多數連一個人類都唔會出現黎幫下手。一共十七個家庭，如果啲細路唔係單細胞繁殖嘅話，正常黎講都應該有34個家長丫？就當佢有啲死Q左又好（對唔住，我咁講野係刻薄左啲），失左憶都好啦，都無理由全班會連一個人都無啩？就係無，真係問你服未！好多時我要八點死返去學校幫上晝班做野，但我仔係返十點嗰班架喎！呢個留返口水禧放暑假先慢慢寫篇 blog 數臭班契弟！
好啦，前幾日出電郵話比班契弟知我哋跟車人數爆晒燈，所以要用抽簽形式抽七條友跟車，另外嗰啲就要自己去目的地。哇，有幾件直頭癡左線咁媽媽叉叉話點解唔係先交錢同回條就有得率先跟車呀？見到呢啲回應，我真係眼火爆！咁鍾意跟車，第時有種車實有機會比你跟啦仆街！掛埋你張相上去都得添！（我認我係口賤，我唔係人！）喂，覆人電郵有些少禮貌好唔好？家陣我係義工咋，平時貼錢貼晒自己啲私人時間比你哋啲細路，但唔代表我變左做你哋奴隸呀屎忽鬼！我收到成疊野嘅時候已經唔知係邊個先交邊個遲交啦，唔通我要一早黎到棟喺課室收野咩？再講吖，班細路一衝入課室嗰下有幾混亂諗都諗到啦，爭野嘅又有，嗌交嘅又有，投訴嘅又有，傾計傾到失晒魂嘅大把，啲回條究竟係點樣交嘅我點X知啫？我去到課室嘅時候已經撈埋晒上晝下晝，總之當時就已經過晒額囉。
你啲契弟咁驚，點解自己唔親自黎收回條丫笨，所有野指意晒我哋義工呀？我哋生多你幾對手呀？癡蝦殼癡上腦就去睇醫生啦！戇X !
有幾個下晝班嘅真係令人血壓標昇！究竟明唔名咩叫先到先得吖？講先到先得嘅話又幾時輪到下晝班會快得過上晝班交野呢？攞開個屎忽用個死人腦諗野得唔得？公平起見，梗係抽簽啦，係唔係呀？淨係上晝班都爆晒人數啦，先到先得？下晝班全部行路去咩？重要整幾個電郵黎呀之呀左。話佢兩個孖生仔女 （唔同班），佢同佢partner（兩個同性) 一早諗住可以一齊有車搭一家四口一齊去喎！喂，乜有人會一早諗住唔一家人一齊去架咩？係人都想同自己個細路一齊去架啦，低能人！你一家四口有三個上到車 （佢partner跟隔離班車去），你重想點呀大姐？租飛機送你去好唔好？
講到明一定係抽簽架啦，條氣唔順可以唔X去，但唔該唔好再炸我個電郵信箱話自己覺得應該係頭七個人交野。你有本事就一係講晒邊七個人係最早交野嘅黎聽下，自說自話嘅就唔該留返佢吞落肚啦！
學期尾啦，好多捐錢攪畢業派對嘅電郵要寫比班契弟，相信到時又係腥風血雨。老師話留左個位比我跟車，我慶得濟，我同佢講我唔跟啦，我唔想見到班契弟兼同佢哋坐同一架車。老師叫我唔好take it personal （突然唔記得呢句野中文點譯添！），我真係好想同佢講，我take it personal 嘅時候你應該唔會想我喺課室出現！
好難想象我仔重要同咁樣嘅一班契弟同校多幾年！不知所謂嘅人渣敗類自私精，係咁生係咁生 ，自己都未教曉自己點做人，你生咁X多黎把X咩！
