落咗一個禮拜雨﹐聖誕節都無面比﹐照落。
同親友食咗一餐﹐但同慶祝佳節係無乜關係﹐因為我哋去食中式炒粉麵﹗
呢D節日﹐除咗中餐之外﹐其他間間都閂門。中餐都要早早去排隊先有位﹐節日流流出街嘅代價就係要早食飯﹐除非你唔介意等檯企到變化石。但我介意。
搞埋個party,我決定要大休﹐如果唔係我會好快「開皮」。
同親友食咗一餐﹐但同慶祝佳節係無乜關係﹐因為我哋去食中式炒粉麵﹗ 呢D節日﹐除咗中餐之外﹐其他間間都閂門。中餐都要早早去排隊先有位﹐節日流流出街嘅代價就係要早食飯﹐除非你唔介意等檯企到變化石。但我介意。
放假落雨﹐最好嘅節目就係痞喺屋企休息。悶﹖口水禧或許會﹐但我哋兩條老野覺得休得唔夠喉添。聖誕前比學校「o車」咗我兩個禮拜兼開夜車﹐重有兩日由朝八做到口水禧放學﹐因為嗰兩日係代課老師嚟代堂﹐但我個人覺得係我去代堂多D﹖﹖﹖﹖ 經過兩日比31件豆丁催殘之後﹐我條喉嚨開始覺痛﹐個代課老師連聲都沙埋﹗
搞埋個party,我決定要大休﹐如果唔係我會好快「開皮」。
呢兩日將口水禧交比佢老豆﹐我主力家務。(又話要大休﹖講笑咩﹖我哋呢D黃種工人邊有得大休吖﹖
)
有人話要去學滑雪﹐朋友話﹕「你兩件老野唔跟埋去學﹐第時個仔學識咗﹐你兩個諗住用腳追呀﹖梗係要一齊學喇﹗」講真乎﹖
因為後生嘅時候跟人去溜冰時跌到尾龍都裂埋﹐對呢D喺冰呀﹐雪呀嘅運動有D恐懼﹐但禧爸將以上朋友嘅一翻話重覆講多次。確係R底﹐容乜易佢兩個學識咗﹐咁我第日去到追唔到佢哋﹐我留喺雪地上面扮冰條呀我﹖ 無計﹐唯有死跟﹗
突然體驗到咩叫「有仔襯嫩生」。可惜我知得太遲……
各位﹐聖誕快樂﹗
無聊嘅2012末日笑話過去了﹐但有好多野確係時候好好細心思考了。
2013﹐ 希望世界更美好。
