0

謝﹗

唔係講多謝呀我﹐係形容我家下嘅狀態咋。連開幾日夜班﹐都重未做完。而家幼稚園嘅程度真係好「深」﹐份份功課都要做三十幾次﹐黐膠花﹑黐絲帶﹑黐珠仔﹑黐膠片﹑黐孖筋﹐比支熱槍辣咗十幾次﹐十隻手指忽忽紅......

0

Johnson 老 Baby

洗濕咗個頭先發現用晒支洗頭水……唯有偷住口水禧支Johnson Baby 不「醃」眼洗頭水用住先。

明日送佢去返學嗰陣﹐可能其他家長聞到我個頭同佢哋個仔女個頭一樣味﹐心裡面會諗﹕「嘩﹗呢個呀媽咁大個人都重驚洗頭水「醃」眼呀﹖」 

0

破解失眠密碼

我屋企有三個人好神奇﹐佢哋一日(被迫)瞓好少覺。有一個夜晚九點幾睇睇下電視就會去會一會周公。但半夜一﹑兩點會起身﹐然後有時臨天光可以瞓返﹔有時可以一日都唔洗補瞓。另一個夜瞓﹐但可以成日話自己成晚都無瞓著。一個星期可以連續幾日都係咁。重有一個晚晚要兩三點先瞓得著﹐咁樣先可以一覺瞓到天光。一點前瞓的話﹐有時瞓兩三個鐘就會醒一醒。好彩嘅「煎一陣魚」(反嚟反去)會瞓得返﹐唔好彩嘅﹐臨天光就嚟要起身先開始眼瞓﹐但已經唔可以再瞓﹐焗住全日都。我就係第三個奇人喇。咁樣嘅睡眠習慣已經好多年。前幾年因為頸痛﹐瞓得重衰﹗ 而家無再頸痛﹐但瞓瞓下會醒呢樣就仍然纏擾住我。所以我成日同禧爸講﹐我係夜更看更嘅最好人材﹐因為我可以合埋眼瞓但少少聲或者無聲我都會醒。我屋企邊個半夜去廁所邊個行出廳﹐我全部都知。所以第時口水禧諗住半夜偷出街都好難過到我嗰關﹗中學嘅時候﹐每晚我瞓四個鐘頭就要起身返學。課堂上唔會恰眼瞓。但我唔可以通頂﹐夠騎呢喇啩﹖開始跑步後﹐我以為夜晚會好瞓D﹐點知無乜改善。朋友教過飲鮮奶飲茄汁﹐起身交水費重大獲﹗瞓前拉下筋﹐都無乜改善睡眠質素。早排食隻會眼瞓嘅咳水﹐食完係好快想瞓﹐但持久力唔夠﹐瞓著一兩粒鐘後就會醒﹐因為之前藥力嘅問題引至嗰兩個鐘裡面出力咁瞓﹐結果叉足電醒咗後變咗半夜到天光都瞓唔返。呢個禮拜口水禧唔洗返學﹐我變咗無得去跑步﹐唯有夜晚喺屋企拉完筋﹐再做sit Read more [...]
0

食得簡單

口水禧每日返學前會食一碗牛奶溝粟米片或者朱古力醬搽麵包﹐加杯奶同雞蛋。十點半茶點食生果﹑芝士條同乳酪。放學返到屋企﹐因為已經下晝兩點幾﹐距離晚飯時間只有三幾個鐘頭﹐所以我哋通常都會食麵包﹐飲杯野就算。晚飯六點幾開始食﹐食完食埋生果就要沖涼準備瞓覺。九點前就要去揾周公喇。望落好似無咗午餐﹐其實嗰餐麵包咪就係午餐囉。有時會夾芝士火腿﹐有時就咁搽朱古力醬就算。其實好飽肚﹐佢食完去游水游成粒鐘返嚟都未覺肚餓。正餐唔係一定要粥粉麵飯先算係正餐﹐飽肚又唔會係垃圾食物就好。我哋好耐無食飯類﹐通常都係一人一份碟頭餸﹐例如燒魚或焗雞加燈籠椒﹑菰﹑豆﹑菜之類。準備時間短又快又方便。其實營養唔會少過三餸一湯。食完清潔容易﹐唔係洗一大輪廚房﹐又可以準時踢佢去瞓。呢個好重要呀﹐佢瞓咗之後就係我耳根清靜之時﹐好爽﹗好重要架﹐比佢煩咗一日﹐確係需要一D時間嚟平靜繁忙嘅一日。

0

日理萬機

同一日出咁多blog﹐作C呀﹖ 係呀﹐當微博或facebook吖嘛......學校D野﹐我睇化了。幫唔幫手﹐是叉爛旦﹐我手腳健全﹐應該好好利用。我覺得學期尾我應該夠資格去問校長出糧。津貼下我D電費都要啩﹖過去嘅感恩節party﹐得兩個禮拜籌備﹐又要煮野又要點人煮野買野做野﹐重要做埋和事婆調停D紛爭。藥物嘅影響下﹐唔知出咗D乜email。重要追殺D唔交回條嘅蛋散﹐家長問野﹐課室佈置等等等等﹐有日老師見我戴咗口罩﹐佢神色凝重問我O唔OK﹖

0

其實我有寫blog……

嘩﹗好多蜘蛛網呀呢度﹗好耐無人打掃喇喂﹗其實我係有寫blog嘅﹐不過寫極都埋唔到個尾而已。(有無咁多野寫呀﹖)有呀﹐不過係無咁多時間寫啫。堆呀堆﹐積呀積﹐索性唔寫......又其實我係有微博架﹐不過我睇唔掂D簡筆字﹐直情係閱讀障礙嗰隻﹗ 大學時代﹐有次喺個教授房睇一段簡筆字嘅文章﹐結果係個鬼佬睇完成段﹐我重喺度估緊段野嘅第一粒字係乜。好彩佢邊睇讀出聲﹐我索性唔鬼睇﹐齋聽佢讀就算。(又好彩佢讀國語我又識聽﹐佢讀完重問我覺得點添﹗佢以為我睇得快過佢﹐喺度等緊佢。)所以個微博重多蜘蛛網﹗又又其實我可以當呢度係微博或者facebook咁用架啫﹐我發現唔想寫嘅原因係因為我一諗起九萬幾張相同video唔知點upload﹐九萬嘅隻字唔知要打到幾時﹐真係諗起都即刻謝皮﹐無晒胃口。放棄大大篇咁上喇﹐係咁E上張相加兩句都得架啫......實則係我呢D字人點會得兩句吖﹐係都三......段喇﹗

0

祝你身體健康

姨﹕當我坐在客廳寫這篇給你這番話的時候﹐你應該已進去手術室了。從得知你要動手術之後的每晚﹐我看著房間的天花板﹐想象要是讓我當你的話﹐我可能不會有像你那樣的勇氣。我試著縮起一隻腿﹐然後用另外一隻腿去踢空氣﹐原來感覺很震撼﹗ 我不敢想象沒有了那隻腿的感覺會如何﹐腦海裡只剩恐懼。原來像我這種「兇神惡煞」的人﹐只是想象都會如此懦弱﹐不堪一擊。我想了很多理由來安撫我自己﹐安撫你身旁的親人﹐什麼「你想求生是很正確的態度」﹑「人老了行動總有一天會不方便要坐輪椅或使用枴杖所以一條腿兩條腿都不重要」﹑「你沒有選擇放棄自己是最冷靜和理智的決定」﹑「不要和對你有害的東西發生感情」﹑「就當是除去一大塊腳皮吧﹗」等等﹐試圖減去你只剩一隻腿被推出來的時候眾人的恐懼。媽說你這幾天來都沒有帶懮傷。剛纔﹐我跟自己鬥爭了很久才敢打出那個電話。聽到你的聲音﹐我有點不知所措。說著很無聊的話﹕「不用擔心喇﹐很快就沒事......哎呀﹐你很勇敢啊﹐所以我特意打電話給你(這是什麼話嘛﹖)健康最重要喇﹐不用擔心啊﹐我會過兩天在打電話給你喇......(下刪一連串的不用擔心)」﹐最後叫你好好保重﹐你也許有點「頂我唔順」很快的就把電話交回給我媽。也許失去了一條腿令你以後的生活會變得不方便﹐但你會有很多人的關心。我每夜唸的經裡從此會多了你。以前沒有覺得你很有型﹐從今天開始﹐我覺得你就是最型最堅的人了。可以睜開眼看明天的艷陽(我知香港在下雨喇﹐無所謂﹐看天空也很棒﹗)﹐看到親人圍在身旁絕對比任何事情更美好。過幾天﹐我會再打電話給你﹐準備聽我說那些亂七八糟的話吧。祝你身體健康﹗小惠 Read more [...]
0

運動的神奇力量

終於揾到時間「挫」腳皮(係咪睇完第一句已經好想嘔呢﹗)﹗ 唉呀﹐想去買對波鞋跑步嘛﹐我對衰腳扁平足﹐一陣人哋要我剝鞋驗腳型配鞋﹐腳板底D死皮厚到人哋以為我黐咗塊「鞋底」喺腳板底就唔好喇﹗重有嗰十隻腳指甲已經好耐......無補油喇(算喇﹐再形容落去﹐怕且衛生處D人好快會聯絡我。)  每個禮拜有兩﹑三日送咗禧爺去學校後﹐我就會去附近跑步。運動可以將一個就快爆炸嘅炸彈無聲無息咁拆彈。通常夜晚出咗email﹐第二日都無人覆﹐甚至幾日都無人有反應而D野又燒到眼眉嘅後果係令人好難唔「慶」嘅境況﹐第二日去拆彈係必須嘅事。塞住對耳﹐笠頂帽戴埋太陽眼鏡後﹐連同人講hello都慳返﹐笑下就算﹐繼續拆彈。當你拆到自己都覺得自己變咗「狐仙」嗰陣﹐任務就完成喇。可以返屋企去「淨身」喇。 對住一大「劈」草地﹐莫講話炸彈喇﹐原子彈都拆到喇﹐係咪先﹖ 其實我應該多謝嗰班PK﹐唔係佢哋﹐我邊有動力去跑吖﹗ 真係要「多謝家姐」。 (夜晚繼續寫......)學校返嚟﹐D 火又上腦﹐可惜明日無時間拆彈去。唔知道咁樣上彈拆彈可以捱幾耐﹐可能好快就要日日去拆先掂。每日返放學都會經過雞雞學校﹐想起以前有D 自私精﹐原來都唔夠家下嗰D咁一山還有一山高嘅功力﹗每一日當我拆緊彈嘅時候﹐不其然都會諗到自己好戇居(如果呢段係whatsapp﹐早就打咗個「9」字。)幫幫幫﹐咁好心做咩吖﹐咪又係幫埋D Read more [...]
0

一切由自私開始

發泄blog一篇﹐我係你的話﹐閂咗佢去瞓覺好過。因為話明係發泄﹐無邏輯道理可言﹐齋噴而已。唉﹗走喇......(叫人走﹐咁你又寫﹖) 有得我喇﹐唉﹗我﹐有一個仔﹐一個喺美國出生但識講唔多英文嘅仔(重加D口吃)。出於一半自私嘅理由﹐我喺佢開學嘅第二個禮拜﹐因為老師嘅一句"he doesn't understand most of the instructions", 我自動獻身去咗學校做義工﹐喺課堂上以幫手為名﹐實則係想視察下個仔有幾咁唔明老師嘅指示。結果發現佢都唔算好大獲﹐在我眼中叫做幾OK添。但自從嗰一次自動獻身後﹐我嘅後患就係為自己帶嚟咗一個"head Read more [...]