媽媽生活隨筆

有四個人喺巴士上食雪糕﹐同巴士司機講咗﹐佢就話﹕「啊﹐你幫我叫晒佢哋落嚟喇。」喂﹐乜乘客有權或有義務去叫另外嘅乘客落嚟揾司機架咩﹖上去叫嗰四件菲傭唔好喺巴士食野﹐人哋一句多管閒事﹐繼續開開心心咁食﹐重串到特登嘻哈大笑﹐繼續用一半佢國家話加英文串你兼大聲播佢聽嘅歌(重跟住唱添﹗)。臨落車睥住你成家﹐同佢講多句you shouldn't eat on the bus之後重要換幾句f*ck Read more [...]

昨晚參與了這個學年的家長rap session﹐又是我們一群爸媽真情告白的時候。晚上七點在學校聚集了我們這班父母,﹐輪流訴說關於自己孩子的大小事情。席間﹐我們聽了四個心碎的故事﹐有的媽媽說完缺了堤﹔有的由祖母來代表孩子的父母來訴說孫子面對父母婚姻破裂的打擊﹔有的把孩子從未在我們面前披露的一面表露無遺等等......我很喜歡這個rap session﹐我們家長之間以及家長跟老師之間的牆一掃而空﹐最重要的就是把我們這些co-op的爸媽與班上的孩子拉近來距離﹐即使不是己出﹐也會因為這個rap Read more [...]

未住﹐我重未升住﹐乜野未升住﹖級同cup都未喇﹐大佬﹗ 好耐之前見yahoo話遲下要搞過晒D blog嗰陣﹐我就手痕痕自己整咗個新嘅yahoo blog出嚟﹐但見佢嗰陣話唔係個個國家嘅blogger都可以開始用新野﹐無嘅就用住其他國家嘅版本先﹐當時我見到我嗰個係指咗去韓國(﹖﹖﹖已經唔知自己喺度講乜﹗)﹐總之就係唔知佢想點喇﹐一於就係敵不動我不動﹐以不變應萬變就最好架喇﹗事關一直以嚟我一手痕走去搞D 高科技野嘅下場永遠只有垂淚嘅結果﹐所以今次我醒呀﹐乜都唔轉住﹐等禧爸搞掂佢囉﹐有乜事可以有個人比我賴下鬧下吖嘛﹗ 不過睇嚟我喺呢度都唔捱得幾耐﹐所以希望喺個blog收工之前比個新blog嘅link各位親友﹐尤其係上網能力窄窄哋﹐如我一樣嘅親友們﹐煩請如果有一日揾唔到呢個blog時就稍移玉步過隔離新屋喇﹐如果真係真係揾唔到間新屋喺邊嘅話(話實我自己家陣都係先去嗰D轉咗新版嘅blog友度然後再去自己間新屋架咋﹐如果唔係﹐我都唔知點樣先可以直接去﹗)﹐就去揾肥玲喇﹗ Read more [...]

開咗學就嚟一個禮拜﹐小朋友們嘅表現令我地喜出望外﹗因為今年嘅形式同舊年有好大嘅分別﹐所以初初老師都估最初開學嗰排應該都會幾手忙腳亂﹐因為小朋友一來無返學一排﹐再開學需要D時間適應學校生活﹔另外對於新環境﹑新老師﹑新同學等等都要重新嚟過﹐所以情緒上可能會起伏好大﹐隨時發顛都唔定。但呢幾日睇嚟﹐我哋個個都跌眼鏡﹐因為D細路超乎意料之外嘅聽話守秩序﹐亦知道要做晒老師吩咐嘅野先可以出去玩。所以去co-op都唔算好辛苦﹐因為D細路大個咗﹐玩完野唔會亂掉執到我哋PK﹐另外就係個課室細過以前嗰個﹐所以執野都唔洗行咁遠。 可惜﹐小朋友乖﹐大人就...... 今年我哋一個禮拜要返四日學﹐一個星期需要22個家長嚟co-op﹐但我哋班只有15個學生﹐其中有四個家庭話明一個禮拜只可以嚟co-op一次﹐有D因為要返工﹐一個禮拜唔可以請兩日假嚟co-op﹔有D因為屋企重有個BB要湊﹐個爸爸/媽媽要留喺屋企湊BB﹐另外一半就要返工﹐淨係可以嚟一日。就係咁﹐淨返嘅11個家庭就要填滿淨低嘅18個co-op﹐10個煲得9個蓋﹐少不免梗要有人co-op多一日﹐咁負責編co-op時間表嗰位家長自然就會將唔洗返工又無BB要湊嘅媽媽編多一日比我哋co-op。 對於我嚟講﹐我絕對無所謂﹐出發點唔單止係為自己嘅小朋友好﹐亦都係為咗其他小朋友同老師好啫。試想下﹐十幾個小朋友﹐同時間可能有D喺室外玩沙池﹑打韆鞦﹑踩單車﹑爬樹﹑睇動物等等﹐亦會有D小朋友喺課室入面畫緊畫﹑玩玩具﹐間學校話大唔大﹐話細都唔細﹐如果唔夠大人睇住嘅話﹐萬一有意外就真係大獲喇﹗ 但係﹐未開學之前已經有個家長開聲話個co-op時間編得唔夠公平﹐佢話點解有D家庭會co-op得少過其他人﹐而佢就要co-op兩日咁多。編時間表個家長已經解釋咗個原因﹐重解釋話如過一定要嗰四個家庭嘅家長嚟多一日﹐佢哋就會因為無辦法配合而將個小朋友退學﹐咁最後盞令到剩餘嘅家長因為人數又少咗而要再co-op多D。 糾纏一輪﹐尋日co-op完﹐老師同co-op嘅家長總結尋日嘅工作項目時﹐嗰個投訴時間表嘅家長又再次攞呢個話題嚟討論﹐我真係想講﹐多鬼餘﹐再傾都無用架喇頂﹗人係得咁多﹐咁去邊度變多幾個人出嚟啫﹖再講﹐呢個女人有一對龍鳳胎喺我哋班入面﹐計人頭嘅話﹐佢要co-op兩日有何不妥﹖頂﹗我得一個仔去讀﹐我都要co-op兩日喇大姐﹗真係唔知佢有乜好投訴﹖佢個仔重要係麻煩嗰隻﹐郁D就大喊大叫﹐完全無守秩序嘅表現但個孖妹好OK架喎﹗ Read more [...]

今時今日﹐都重會寫完一篇blog按咗立即發表制之後無晒D字嘅……成個鐘頭呀PK﹐一個思奶有幾多個鐘頭可以坐喺度打成個鐘字呀福街﹗

唔乸寫住喇……..頂﹗up乜叉野grade啫﹖舊患都未搞掂﹐又走去upgrade﹐WTF﹗